​Ciidamada Ciraaq oo kaabiga ku haya magaalada Mosul

Image

Ciidamada Ciraaq ayaa lagu soo waramayaa inay ku qarka u saaranyihiin la wareegista magaalada labaad ee ugu wayn waddankaas ee Mosul, kadib dagaal xoog leh oo kala kulmeen mallayshiyada isku magacowday khilaafadda Islaamiga ah ee ISIL.

Wararku, waxay sheegayaan in daafaha magaalada joogaan ciidamada sida gaarka ah u tabobaran iyagoo taageero ka helaya xulafada Maraykanku hogaaminayo oo dusha ka duqaynaya saldhigyada Daacish ee magaaladaas.

Dagaalyahannada ururkaasi ayaa lagu soo warramayaa in ay ciidanka Ciraaq ku weerarrayaan gantaallada garabka laga gano, hoobiyayaal, hubka fudud iyo gawaari laga soo buuxiyay walxaha qarxa.

Goor sii horeysayna, ra'iisul wasaaraha Ciraaq, Xayder Al-Cabaadi, oo ku labisan dareeska ciidankiisa, aa ugu baaqay xooggaga dowladda Islaamiga in ay isa soo dhiibaan ama ay dhintaan.

Asaga oo ka hadlayay saldhig ciidanka cirka ah oo ku yaalla waqooyiga Ciraaq, ayaa Mr Al-Cabaadi waxa uu sheegay in duulaanka ay horkacayaan ciidanka dalkiisa uu dhinac waliba uga wahajan yahay Mosul, isla markaana madaxa looga jari doono wax uu ku tilmaamay maska.

Dagalkan, ayaa bilowday dabayaaqadii bishii hore, waxaana Mosul isaga qaxay shacabkii halkaas ku dhaqnaa marka laga yimaado tiro yar oo khasab ku haystaan mallayshiyada Daacish.

GAROWEONLINE

Related Articles

In ka badan 160 qof oo weli la la’yahay kaddib fatahaado ka dhacay Texas

Biyaha xooggan ayaa si lama filaan ah u dhex maray xerada, iyadoo ay jiiteen guryaha jiingadaha ah ee dadka hurday.

  • Caalamka

    09-07-2025

  • 05:17AM

Madaxweyne Trump oo Sheegay in Maraykanka uu Wadahadallo la Yeelanayo Iran

Wadahadalladii lixaad ee u dhexeeyay Maraykanka iyo Iran ayaa loo qorsheeyay inay dhacaan 15-kii Juun.

  • Caalamka

    08-07-2025

  • 11:58AM