​Congo oo loo dareeray doorashada madaxtinimada

Image

Dadka ku nool waddanka Congo ee Afrika ayaa u dareeray goobaha codbixinta maanta oo Axad ah, si ay u doortaan Madaxweynaha cusub ee dalkaasi yeelanayo.

Codbixinta ayaa wararku sheegayaan inay goor hore oo saaka ah bilaabatay, iyadoo la jaray isgaariisnta goobaha codka laga dhiibanayo, waxaana arrintaasi loo aaneeyay ka fogaanshaha shaqaaqooyin dhici kara.

Wakaaladda wararka ee AFP ayaa baahisay in danbinta isgaariisnta uu amray wasiirka arrimaha gudaha waddankaasi muddo 48-saac ah, oo ah inta doorashada lagu guda jiro.

Falan-qeeyaasha siyaasadda dalka Congo ayaa saadaalinaya in doorashada uu ku guulaysan karo Madaxweynaha talada haya ee Denis Sassou Nguesso, kaasi oo kamid ah musharaxiinta u loollamaya hogaaminta dalkaasi.

GAROWEONLINE

Related Articles

Mareykanka iyo Shiinaha oo Heshiis Cusub Ka Gaaray Canshuuraha Ganacsiga

Xiisadda ganacsi ee u dhaxeysa Mareykanka iyo Shiinaha ayaa bilaabatay sanadkii 2018, mudo-xileedkii hore ee Donald Trump.

  • Caalamka

    12-05-2025

  • 07:58AM

PKK oo shaacisay inay hubka dhigayso si usoo afjarto dagaalka dowladda Turkiga

Warbixin lagu daabacay wakaaladda wararka Firat News Agency — oo ah ilo warbaahineed si weyn ugu dhow PKK.

  • Caalamka

    12-05-2025

  • 07:16AM