Daacish oo dad shacab ah ku dishay Masar
-
- Posted On 13-12-2016, 06:59PM
Warbaahinta dalka Masar ayaa sheegtay in Daacish ay 16 ruux oo shacab ku dishay waqooyiga gobolka Siinaay, oo uu ka socdo dagaallo mudo 3 sano ah.
Dadka Daacish laysay, waxay ku eedaysay inay la shaqeynayeen ciidamada militariga Masar oo howlgal ka dhan ah Kooxaha Mintidiinta kawada gobolka Siinaay.
Dowladda Masar ayaa xaalad Deg Deg ah kusoo rogtay gobolka Siinaay October, 2014, kadib weerar lagu dilay 33 qof oo ka dhacay gobolkaasi kaasoo mas'uuliyadiisa sheegatay Daacish.
Militariga iyo Booliska Masar ayaa 2015 Howlgal ka billaabay Siinaay, si ay meesha uga saaraan weerarada Daacish ee ka dhanka ah saldhigyada ciidanka ay ku leeyihiin gobolkaasi.
Boqolaal Askari oo katirsanaa ciidamada amniga Masar ayaa lagu dilay weeraro iyo qaraxyo ka dhacay qeybo kala duwan dalka Masar saddexdii sano ee ugu dambeeyay.
Masar ayaa waxaa la degay jahwareer siyaasadeed iyo amni darro wixii ka dambeeyay markii uu Jen Cabdifitaax Al Siisi uu awood military xukunka ugula wareegay Maxa'ed Morsi sanadkii 2013-kii.
GAROWEONLINE
