Dad ku dhintay dhul-gariir ka dhacay Philippine

Dhulgariir oo xooggan ayaa ku dhuftay koonfurta dalka Philippine, kaasi oo geestay khasaarooyinka dhimasho iyo bur bur isagu jiro, sida ay sheegeen Saraakiisha dalkaasi. 

Dhulgariirkan oo cabirkiisu ahaa 6.5 Rigtar ayaa waxa uu ka dhacay Jaziirada Mindanao, waxaana ku dilay ugu yaraan 15 ruux, halkas 126 kalena ay ku dhaawacmeen.

Kooxaha gurmadka deg deg ah ayaa loo diray Goobaha uu saameeyay Dhulgariirka, si ay usoo samatabixiyaan dadka ku go'doomay, oo dowladda dib u dejin u samaynayso.

Dhulgariiran cusub ayaa jaray wadooyinka, adeegyada Konrontada iyo Biyaha, iyadoo sidoo kale uu dhulka la simay goobo ganacsi oo aad u badan, sida ay dowladda Philippine sheegtay.

Kumanaan kun oo qof ayaa ka cararay goobaha ku dhaw Jaziirada, iyagoo ka baxayo inay dhacdo duufaanta Sunaamiga, taasi oo sanado kahor dad badan ku dishay dalkaasi.

GAROWEONLINE