Dhul gariir ka dhacay dalka Talyaaniga

Image

Warar laga helayo waddanka Talyaaniga ayaa sheegaya in dhulgariir lagu qiyaasay 6.6 Rector, uu ku dhuftay bartamaha dalkaas oo muddooyinkii dambe masiibooyin is xig xiga ka dhacayeen.

Dhul-gariiska, ayaa  ka dhacay nawaaxiga magaalada Perugia oo katirsan Gobolkii uu bishii Ogoosto ee sannadkan uu ku dhuftay dhul-gariir galaaftay nolosha ku dhawaad 300 qof.

Lamasoo sheegin wax dhimasho ah oo masiibadan ka dhashay, waxaana goobta uu ka dhacay tahay meel dadku ku yar-yihiin, laakiin waxaa baahiyay sawirrada dhismayaal teel-teel ah oo bur-buray.

Hay'adda Talyaaniga u qaabilsan badbaadinta ayaa tilmaamay  in la eegayo baaxadda dhibaatadu ay leedahay. Magaalooyinka u dhow, sida Castelsantangelo, Preci iyo Visso ayey dadku isaga bexeen, ka dib dhul gariirro todobaadkii hore dhacay oo lagu qiyaasay 5.5 iyo 6.1.

Dhul gariirka dartii ayaa waxaa la joojiyey shaqadii tareennada dhulka hoos mara ee magaalada Roma. Magaalada caasimadda ah ayaa ka mid ah meelaha dhul gariirka laga dareemay.

Dhul gariirkan, ayaa noqday kii ugu weynaa oo dalkaas ka dhaca muddo 36 sanadood laga joogo, waxaa hay'ado Maraykan ah oo wax sahamiya ay sheegeen inuu imaan karo kuwo kale oo ka xajmi weyn midkan dhacay maantoo Axad ah.

GAROWEONLINE

Related Articles

Trump oo diiday inuu booqdo Israa’iil xili uu xumaaday xiriirkii kala dhaxeeyay Netanyahu 

Eldar ayaa intaas ku daray in tallaabadan ay calaamad u tahay isbeddel weyn oo ku yimid xiriirka taariikhiga ah ee Mareykanka iyo Israa’iil.

  • Caalamka

    15-05-2025

  • 04:47AM

Trump oo hurumarka ka muuqda Riyadh ku amaaney Maxamad Bin Salman

Trump wuxuu ku sheegey in horumarka ka muuqda Sacuudiga iyo magaalooyinka kale…

  • Caalamka

    14-05-2025

  • 12:06PM