​Imaam Caan ah oo Sacuudiga ku geeriyooday

Image

Kumanaan Sucuudiyaan ah ayaa maanta ka qayb galay aas loo sameeyay ALLAHA u naxariistee Imaankii Masjidka al-Nabawi Sheekh Maxamed Ayuub, kaasoo saaka hiraabtii hore ku geeriyooday magalada Madina.

Sheekhu wuxuu ku dhintay da'da 64 sida ay sheegtay wakaaladda rasmiga ah ee Sacuudiga warka u faafisa. Shiikha ayaana jirin xanuun uu la jiifay.

Maxamed Ayuub, wuxuu ku dhashay magaalada Maka sannadkii 1952-dii, wuxuuna qabtay xilka imaamnimada masjidka Nabawi 1999-kii isagoona hayay muddo 7-sano ah, balse wuxuu kusoo laabtay sannadkii 2015.

Shiikha geeriyooday, waxaa lagu tiriyaa mid kamid ah ragga ugu badiya akhriska Qur'aanka Kariimka, waxaana lagu aasay Qubuuraha loo yaqaano al-Baqiic.

300,000 [Saddex boqol oo kun] oo qof ayaa maanta barahooda Twitterka ku qoray geerida Sheekh Maxamed Ayuub.

Wariyaha caanka ee Sacuudi Carabiya u dhashay ee la yiraahdo Axmed Shaqiiri, ayaa yiri; "Shiikhu wuxuu ahaa astaan caalami ah, si muran la'aan ah".

EEBBE ha u naxariistee Sheekha ayaa ku caanbaxay akhriska ruxa quluubta dhagaystayaasha, gaar ahaan markuu tujinayo salaadda Taraawiixda ee bisha Ramadaan iyo cajaladaha duuban.

GAROWEONLINE

Related Articles

Mareykanka iyo Shiinaha oo Heshiis Cusub Ka Gaaray Canshuuraha Ganacsiga

Xiisadda ganacsi ee u dhaxeysa Mareykanka iyo Shiinaha ayaa bilaabatay sanadkii 2018, mudo-xileedkii hore ee Donald Trump.

  • Caalamka

    12-05-2025

  • 07:58AM

PKK oo shaacisay inay hubka dhigayso si usoo afjarto dagaalka dowladda Turkiga

Warbixin lagu daabacay wakaaladda wararka Firat News Agency — oo ah ilo warbaahineed si weyn ugu dhow PKK.

  • Caalamka

    12-05-2025

  • 07:16AM