Nin Muslim ah oo guursaday gabar uu dhalay maalqabeenka Bill Gates

Image

NEW YORK, US – Nayel Nasser, oo u dhashay Masar, ayaa mehersaday Jennifer Gates, gabar uu dhalatay Bill Gates, ninka ugu taajirsan dunida.

Guurkooda ayay ku xaqiijiyeen fariimo kala duwan oo ay soo dhigeen barahooda bulshadda, todobaadkii lasoo dhaafay.

Inkasta oo xiriirkooda uu ahaa mid qarsoodi ah, haddana waxaa la sheegay in ay wada haasaawayeen muddo laba sano ah.

Warbaahinta Mareykanka oo sheekadaan aad u lafagurtay ayaa ku tilmaantay mid bilooyinka soo aadan abuuri doonto muran.

Maadaama ay caddahay in labadooda ay kala haystaan diimaha Islaamka iyo Masiixiga ah, haddana lama ogga hadii midkood uu tanaasulay.

Ma cadda goobta iyo qaabka uu u dhacay meherkooda, waana mid kamid ah arrimaha u baahan in ay si furan daaha uga rogaan.

Nasser, oo 29-jir ah, iyo Jennifer oo 23-sano jir ah, ayaa ka qalin jabiyey Jaamacadda Stanford, sidda ay wararku tibaaxayaan.

Jennifer ayaa ah gabadha ugu da'da qoyska Bill Gates, aas-aasaha shirkadda Microsoft iyo shaqsiga ugu taajirsan kownkaan.

Wallow aysan si shaac-baxsan uga hadlin, xaqiiqadu waa inay jecel-yihiin Isboortiga si gaar ah Nasser wuxuu dalkiisa ku metelay 2020 Tokyo Olympics.

Kaalinta 35aad ayuu kaga jaraa ciyaaraha caalamka. Kuwait oo qoyskiisu ku nool yihiin ayuu kusoo barbaaray. Hadda wuxuu degan yahay Chicago.

GAROWE ONLINE

Related Articles

In ka badan 160 qof oo weli la la’yahay kaddib fatahaado ka dhacay Texas

Biyaha xooggan ayaa si lama filaan ah u dhex maray xerada, iyadoo ay jiiteen guryaha jiingadaha ah ee dadka hurday.

  • Caalamka

    09-07-2025

  • 05:17AM

Madaxweyne Trump oo Sheegay in Maraykanka uu Wadahadallo la Yeelanayo Iran

Wadahadalladii lixaad ee u dhexeeyay Maraykanka iyo Iran ayaa loo qorsheeyay inay dhacaan 15-kii Juun.

  • Caalamka

    08-07-2025

  • 11:58AM