Obama oo si buuxda u taageeray Hillary Clinton
-
- Posted On 28-07-2016, 03:33PM
Madaxweynaha dalka Maraykanka ee xilku kasii dhammaanayo Brack Obama ayaa ka qayb galay shirweynaha xisbiga Dimuqraadiga dalkaasi uga socda Philadelphia, wuxuuna si buuxda u taageeray murashax xisbigaasi Hillary Clinton.
Obama ayaa yiri,"Hillary Clinton waa qof degan oo dadka dhegaysata, qof kastana si ixtiraam leh ula dhaqanta si kasta oo duruufuhu u adag yihiin...waa qof aan hawl u taal ka harsan"
Wuxuu sheegay in xoghayihii hore Maraykanka Clinton ay tahay qofta kaliya ee suuragalin karta adeegyada uu doonayo muwaadin kasta oo reer Maraykan ah.
Habeenkii Tallaada ee lasoo dhaafay ayay ahayd markii xisbigaasi si rasmi ah u doortay in Hillary Clinton noqoto qofta matalaysa doorashada sannadkan dalkaasi ka dhacaysa iyadoo loollan adag la gali doonta ninka kasocda xisbiga Jamhuuriga ee Donald Trump.
GAROWEONLINE
