Qarax ka dhacay caasimadda dalka Iraq
-
- Posted On 06-11-2016, 05:03PM
Ugu yaraan 11 ruux ayaa la xaqiijiyay inay ku dhimatay qarax ismiidaamin ah oo saakay ka dhacay waqooyiga magaaalda Baghdad, ee xarunta dalka Iraq.
Booliska Baghdad, ayaa sheegay in Qaraxa uu fuliyay naftii hore watay gaari lagu soo xiray walxaha qarxa kaasi oo bartilmaameedsaday bar-koontrool.
Dadka ku geeriyooday weerarka ayaa u badan shiico xujaay ah oo ka timid dalka Iraq, kuwaasi oo ku sugnaa meel ku dhaw goobta qaraxa uu ka dhacay.
Ma jirto cid sheegatay mas'uuliyadda qaraxa magaalada Baghdad, oo horey Daacish uga fulisay dhowr weerar oo dad badan oo shiico ah ay ku dhimtay.
Weerarka Baghdad, ayaa dhacay xilli Kumnanaan askari oo katirsan dowladda Iraq iyo xoogag shiico ah, ay isku dayayaan mudo ku dhaw hal bil inay Daacish ka saaraan Magaaalda Mosul.
Hogaamiyaha Daacish Abu Bakar Al Baqdaadi, ayaa sheegtay inay difaacan doonaan Mosul, sidoo kalena ay weerari doonaan dowladaha ku lugta leh howlgalka.
GAROWEONLINE
