Ra'isal wasaarihii hore Israa'iil oo la xirayo
-
- Posted On 29-12-2015, 10:48AM
29 December, 2015(GO)-Rai’sal wasaarihii hore ee dalka Israa'iil Ehud Olmert, ayaa lagu xukumay 18 bilood oo xabsi ah, kadib markii lagu helay arrimo la xiriira laaluusha qaadasho.
Xabsigan oo markii hore maxkamadda hoose ee Yuhuudda ayaa Olmert lix sano ku xukuntay 2014-kii, laakiin maxkamadda sare ayaa ciqaabtaasi yaraysay.
Ehud oo Todobaatan jir ah ayaa lagu helay dambi uu galay waqtigii uu ahaa duq magalada Qudus,
wuxuuna lunsaday lacago dhismayaal magaladaasi laga samayn lahaa, kahor inta uusan noqonin Rai’sal wasaare 2006-dii, isagoo jagadaasi iska casilay 2009-kii.
Wuxuu noqondoonaa nin kii ugu horeeyay ee xabsi gala isaga oo soo hogaamiyay xukuumadda Israil, waxaana ciqaabtu u bilaaban doonaa 15 bisha labaad ee sanadka 2016.
GAROWEONLINE
