Shinzo Abe oo mudo dheer sii maamuli doona Japan
-
VOA Japan
- Posted On 20-09-2018, 04:35PM
TOKYO - Ra’iisul wasaaraha Japan Shinzo Abe ayaa mar kale loo doortay inuu sii ahaado hogaamiyaha xisbiga talada haya ee dalkaas, kadib marki uu si aqlabiyad leh ugu guuleystay doorasho ka dhex-dhacday xisbiga Liberal Democratic.
Guushaan ayaa waddada u sii xaareysa in Abe uuu Japan sii xakumo muddo saddex sano oo kale ah.
Abe ayaa si fudud uga badiyay wasiirkii hore ee difaaca Japan Shigeru Ishiba doorashadi Khamiisti, kadib marki uu helay codad dhan 553 halka Ishiba uu helay 254 cod.
Haddii Shinzo Abe oo hadda ah 63 sano jir uu dhameysto teeramka soo socda, wuxuu noqon doonaa ra’isulwasaarihi ugu muddada dheeraa ee xakuma dalka Japan.
Waxaa hadda ah Ra’isulwasaarihi ugu xilliga dheeraa ee soo maamula Japan Taro Katsura oo Japan kasoo taliyay billowgii qarnigii 20-aad.
