Shirkad QM mashruuc ku siiyeen ilalainta xeebaha Somalia
-
- Posted On 23-06-2017, 02:32PM
LONDON- Shirkad magaceeda la yiraahdo SRT Marine Systems PLC ayaa shaacisay iney ku guuleysatey qandaraas ay bixisay Qaramada Midoobey kaas oo lagula soconayo dhaqdhaqaaqa doonyaha Kaluumeysiga Somalia.
Mashruucaan ayaa qayb ka ah barnaamijka caalmiga ah ee la dagalanka burcad badeedka Maraakiibta ka qabsata xeebaha dalka Somalia iyo Kaluumeysiga sharci darada ah.
Shirkada SRT ayaa qaybin doonta qalab lagula socdo dhaqdhaqaaqa doonyaha iyo aalad isgaarsiineed kaa soo fariimaha u gudbin doona dayax gacmeedka. Warbixinta iyo la soco-shada doonyahaan ayaa waxaa Qaramada Midoobey u qaabilsanaan doona hay'ada cuntada aduunka FAO.
Mashruucaan Qaramada Midoobey qandaraaska ku bixisay ayaa waxaa tageeraya sanduuqa la dagaalanka burcad badeedka kaa soo ay ku midoobeen wadamada welwelka ka qaba amni darada burcadda Maraakiibta ka afduubta xeebaha Somalia.
Nidaamkaan cusub ayaa la sheegey in uu kor u qaadayo amaanka badaha iyadoo laga hor-tagayo dhaqdhaqaayada burcad badeedka iyadoo lala soconayo dhaqdhaqaaqa doonyaha Kaluumeysiga halka dhinaca la ogaanayo Kaluumeysiga sharci darada ah.
Shirkada mashruucaan qaadatey ayaa sheegtey iney ku faraxsan tahay qandaraskaan kooban ay ku guleysteen taasoo ka qayb qaadneysa in kor loo qaado wadan kale ilaalinta xeebihiisa.
