Xildhibaan ka tirsanaa Barlamanka Kenya oo Nairobi lagu toogtey
-
- Posted On 07-02-2015, 06:54AM
February 7, 2015 (GO)- George Muchai oo ahaa xildhibaan ka tirsan barlamanka Kenya ayaa saaka lagu toogtey bartamaha magaalada Nairobi ee xarunta dalka Kenya.
Dabley hubeysan oo wejiga soo duubtey islamarkaana watey gaari yar oo niiciisu ahaa Toyota Probox ayaa lagu soo waramayaa inay rasaas ku fureen gaariga xildhibaanka xillu taagnaa goob wargeysyada laga gato oo ku talla wadada Avenue-Uhuru.
Weerarka waxaa sidoo kale ku geeriyoodey dareewalkii wadey gaariga xildhibaanka iyo labo nin oo ilaalo u ahaa.
Saraakiil ka tirsan hay'adaha ammaanka Kenya oo daqiiqado kadib goobta soo gaarey ayaa sheegay inay baaritaan wadaan kuna raad joogaan shaqsiyaad laga shekiyey.
Mas'uuliyadda dilka weli cidi ma sheegan, haseyeeshee Al-shabaab ayaa horay weeraro uga geysan jirtey gudaha dalka Kenya.
George Muchai oo barlamanka Kenya kusoo biirey sanadkii 2013, wuxuu noqonayaa xildhibaankii ugu horreeyey ee ka tirsan barlamanka Kenya ee weerar qorsheysan lagu dilo.
GAROWE ONLINE
