Xukuumadda Falastiin oo is casilaysa

Image

Dawladda wadaaga ah ee Falastiiniyiinta ayaa is casilaysa sida uu ku dhawaaqay Madaxwayne Maxamuud Cabbaas.

Waxa uu u sheegay xisbigiisa Fatax in la kala dirayo golaha wasiirada, sababtuna ay tahay in Xamaas oo ay is hayaan aysan u ogolayn in ay ka hawlgalaan Qaza, halkaas oo ay Xamaas maamusho.

Warbixinada qaar ayaaba ku talinaya in lagayaabo in xukuumadu ay isku casisho saacado gudahood.

Golaha wasiirada waxaa la dhaariyay bishii lixaad ee sanadkii hore si la isugu dayo in la yareeyo is fahan la’aanta u dhaxaysa Fatax oo maamusha Daanta Galbeed iyo Xamaas.

Labada dhinac kala gooni ayay ay wax u maamulayeen tan iyo markii Xamaas ay ku guulaysatay doorashadii 2006-dii, Qaza waxaa fatax laga saaray 2007.

Inkasta oo Fatax iyo Xamaas ay si rasmi ah u heshiiyeen, laakiin kala qaybsanaan wayn ayaa sii jirtay taas oo curyaamisay siyaasaddii, sida ay ku soo waramayso wariyaha BBC Yolande Knell.

Fatax waxay Xamaas ku eedaysay in ay isku dayayaan in ay Qaza ka abuuraan dawlad Islaami ah oo madax banaan.

Xigasho: BBC

Related Articles

Maalinta Xorriyadda Saxaafadda: Madaxweyne La Hadlay Warfidiyeeno Muddo 15 Saacadood ah

Shirka jaraa’id oo aan caadiga ahayn ayaa lagu beegay Maalinta Xorriyadda Saxaafadda…

  • Caalamka

    04-05-2025

  • 11:31PM

Trump oo qorsheynaya inuu dhimo Shaqaalaha CIA-da Mareykanka

Wargeyska The Washington Post ayaa ahaa kii ugu horreeyay ee tabiya qorshahan dhimista shaqaalaha.

  • Caalamka

    04-05-2025

  • 12:48PM