Puntland oo shaacisay dadkii ka dambeeyay Qaraxii Galkacyo
-
- Posted On 30-08-2016, 05:08PM
GALKACYO, Puntland- Qoraal kasoo baxay madaxtooyada Puntland ayaa lagu shaaciyay magacyo iyo sawirro la sheegay inay ahaayeen shakhsiyaadkii ka dambeeyay weerarkii khasaaraha badan gaystay ee dhawaan ka dhacay magaalada Galkacyo xarunta gobolka Mudug.
War-saxaafadeedkan oo nuqul kamid ah soo gaaray Garowe Online ayaa lagu sheegay in qaraxii Galkacyo lagu fuliyay gaaro Noah islamarkaana uu waday nin magaciisa lagu sheegay Cabdullaahi Fanax, 22 Sanno Jir Ku dhashay Ceel-waaq kaasoo beel ahaan kasoo jeeda; Marreexaan/ Uur midig.
Qoraalka ayaa sidoo kale lagu shaaciyay magacyada dad la raadinayo kuwaaso dowladdu tilmaamtay inay yihiin maskaxdii ka dambeysay.
1. Maxamed Nuur Jaamac ama Bashiir Maxamed Nuur oo loo yaqaano “BINU MAXAMED”
Da’diisa: 40-45 sanno jir
Ku dhashay Gaalkacyo
Beeshiisa: Cumar Maxamuud/ Reer Mahad
Shaqadiisa: Madaxa Qaraxyada Al-shabaab ee Gobollada Puntland
2. Nuur Maxamed Cabdullaahi ama Nuur Cabdullaahi Diini oo loo yaqaano “NUUR DEEQ”
Da’diisa: 45 sanno jir
Ku dhashay: Koonfurta Gaalkacyo
Beeshiisa: Sacad/ Reer Hilowle
Shaqadiisa: Madaxa Qaraxyada iyo dilalka Alshabaab ee Gobolka Mudug
3. Cabdulqaadi Xaaji Yuusuf
Ku dhashay: Gobolka Mudug
Beeshiisa: Dir/ Qubeys
4. Cabdishakuur Mire
Ku dhashay: Koonfurta Gaalkacyo
Beeshiisa: Sacad/ Reer Nimcaale
5. Muxiyadiin Dakharre
Ku dhashay: Koonfurta Gaalkacyo
Beeshiisa: Sacad / Reer Hilowle
Shaacinta magacyada ayaa yimi 9 cisho kadib markii uu magaalada Galkacyo ka dhacay qarax khasaaro kala duwan gaystay kaasoo ka dhacya xarunt dowladda hoose iyo suuq lagu ganacsado.
Ururka Al Shabaab ayaa ka dambaysay mas'uuliyadda weerarkaasi oo lagu tilmaamay kii ugu khasaaraha badnaa oo ka dhaca Puntland.
GAROWEONLINE
