Deni oo taliye cusub u magacaabey booliska qeybta gobolka Mudug

Image

GAALKACYO, Puntland - Hogaamiyaha dowlada Puntland, mudane Saciid Cabdullaahi Deni ayaa wareegto madaxweyne ku magacaabey Taliyaha Booliska Qaybta Gobolka Mudug.

Sidda laga soo xigtay digreetada oo ku taariikheysan 26-ka bisha May 2019 lana soo gaarsiiyey GO, waxaa jagadaasi loo dhiibay Gaashaanle Sarre, Jaamac Maxamed Axmed.

Magacaabistaan oo qeyb ka ah isbedel dhanka amniga, cadaalada iyo maamulka lagu sameynayo gobolka Mudug ayaa yimid rabitaan ka imaaday bulshada qeybaheeda kala duwan.

HOOS KA AKHRISO WAREEGTADDA

Gaalkacyo, May 25, 2019: Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne, Lr. 28 May 25, 2019, ku magacaabay Taliyaha Qeybta Booliiska Gobolka Mudug.

Madaxweynaha Dawladda Puntland

Mar Markuu arkay: Dastuurka Dawladda Puntland

Markuu arkay: Aqoontiisa yo khibraddiisa shaqo.

Wuxuu xeeriyey:
1.Waxaa G/Sare Jaamac Maxamed Axmed loo magacaabay Taliyaha Qeybta Booliiska ee Gobolka Mudug .

2. Xeerkani waxaa uu dhaqan-gelayaa markuu Madaxweynuhu saxiixo, wuuna saxiixay Madaxweynuhu

GAROWE ONLINE

Related Articles

Wasaaradda Caafimaadka Puntland oo Burtinle ku xustay Maalinta Caalamiga ah ee Musqulaha

Intii ay socotay munaasabadda, Wasaaradda Caafimaadka Puntland ayaa shahaado-sharaf guddoonsiisay shan deegaan.

  • Puntland

    19-11-2026

  • 08:02PM

Axmed Madoobe oo booqanaya Garowe, xilli uu hakad ku yimid wadahadalladii Muqdisho

Booqashada Axmed Madoobe ee Garowe ayaa sidoo kale fursad u noqon karta wadatashiyo dheeraad ah oo dhex mara labada hoggaamiye.

  • Puntland

    14-11-2026

  • 07:21PM