Deni oo u safray Shiinaha kana warbixiyey ujeedka socdaalkiisa

Image
Image
Image

GAROWE, Puntland - Madaxweynaha dowladda Puntland, mudane Saciid Cabdullaahi Deni, ayaa maanta oo Axad ah waxa uu u ambabaxay dalweynaha Shiinaha.

Socdaalka oo maalmo qaadan doona ayaa waxaa madaxweyne Deni ku wehliya mas'uuliyiin ka tirsan dowladda oo isugu jira wasiiro iyo saraakiil madaxtooyadda ka tirsan.

Isaga oo warbaahinta kula hadlayey qaybta VIP-da ee garoonka diyaaradaha magaalada Garowe ayuu madaxweynuhu ka warbixiyey ujeedada uu daaran yahay safarkiisa.

Mr Deni ayaa tibaaxay in uu ahmiyada koowaad ee booqashadaan ay tahay sidii loo xoojin lahaa cilaaqaadka ka dhaxeeya Puntland iyo China si gaar ah gobol dalkaasi ka tirsan.

Madaxweynaha ayaa hoosta ka xariiqay in sidoo kale socdaaalkan uu quseeyo adkeynta iskaashiga kala dhinac gaar ahaan horumarinta ganacsiga iyo is-dhaafsiga khibradaha dhinca dhismaha.

Shiinaha ayaa kamida wadamada saaxiibka dhow la ah Puntland, isla markaana ka fuliyey mashaariicyo kala duwan sida dhismaha garoomada diyaaradaha iyo wadooyinka.

Socdaalkaan ayaa noqonaya midkii labaad oo rasmi ah oo uu Deni ugu baxo dibada tan iyo markii la doortay bishii Janaayo 2019 xili wadankii ugu horeeyay uu ahaa Imaaraadka Carabta.

GAROWE ONLINE

Related Articles

Wasaaradda Caafimaadka Puntland oo Burtinle ku xustay Maalinta Caalamiga ah ee Musqulaha

Intii ay socotay munaasabadda, Wasaaradda Caafimaadka Puntland ayaa shahaado-sharaf guddoonsiisay shan deegaan.

  • Puntland

    19-11-2026

  • 08:02PM

Axmed Madoobe oo booqanaya Garowe, xilli uu hakad ku yimid wadahadalladii Muqdisho

Booqashada Axmed Madoobe ee Garowe ayaa sidoo kale fursad u noqon karta wadatashiyo dheeraad ah oo dhex mara labada hoggaamiye.

  • Puntland

    14-11-2026

  • 07:21PM