Dhaqaatiir qalliin ka fulinaysa Garowe
-
- Posted On 22-07-2016, 03:10PM
GAROWE, Puntland- Wasaaradda Caafimaadka Puntland ayaa shaacisay in horraanta bisha 08-aad magaalada Garowe ay imaan doonaan dhaqaatiir ajaanib ah kuwaasi oo qalliin lacag la'aan ah u samayn doona hooyooyinka qaybtood.
Dhaqaatiirtan oo kasoo jeeda dalka Sacuudiga 08 Augusto, 2016 muddo kooban daweyn doona cudurka loo yaqaanno Isku-furanka kaasoo ku dhaca haweenka.
Agaasimaha waaxda Caafimaadka Asaasiga ah ee wasaaradda Caafimaadka Cabdirasaaq Garweyne oo la hadlay Radio Garowe, ayaa dumarka ugu baaqay inay ka faa'iidaystaan fursadan, iyagoo iclaamiyay inay billaabeen diiwaangalinta dadka laga daweynayo cudurkaasi.
Garweyne, wuxuu sheegay in qorshahan dadaal dheer u gashay wasaaradda Caafimaadka dowladda Puntland,isagoo xusay in cudurkan yahay mid inta badan haweenku ka cowdaan, balse leh dawo.
GAROWEONLINE
