Koox ka tirsan Al-shabaab lagu soo qabtey xeebaha Puntland oo loo wareejiyanyo Muqdishu
-
- Posted On 05-10-2016, 11:06AM
GAROWE, Puntland- Warar warsidaha Garowe Online ka helayo ilo lagu kalsoon yahay ayaa sheegaya in koox ka tirsan maxaabistii lagu soo qabtey dagaaladii xeebaha Puntland ku dhexmarey Ciidamada amniga iyo ururka Al shabaab maalmaha soo socda loo qaadayo magaalada Muqdishu.
Maxaabiista la qaadayo oo tiradooda gaareyso 26 ayaa wararkaan soo gaarey GO xusayaan in wareejintooda kawada shaqeeyeen hay'ada QM iyo dowlada Puntland iyadoo xogtaanu xuseyso in kooxdaan da'dooda lagu sheegey iney ka yartahay 15 sano.
Talaabadaan oo weli dowlada Puntland ka hadlin ayaa warsidaha GO waxaa uu fahansan yahay in maxabistaan loo wareejinayo xarun lagu dhaqan celinayo taasoo ku taal magaalada Muqdishu. Maxaabiita lagu qabtey dagaaladii ka dhacey xeebaha Puntland ee badweynta Hindiya ayaa qaar ka tirsan xabsiyo kala duwan lagu xakumay.
Kooxda Al shabaab oo weeraro ku soo qaadey xeebaha Puntland gaar ahaan degaanada Garacad iyo Suuj sanadkaan bilowgiisa ayaa dagaaladaan waxaa lagaga qabtey maxabiis kuwasoo ku jira xabsiyga dhexe ee magaalada Garowe.
Xukuumada Madaxweyne Gaas ayaa la rumeysan tan iyo intii xilka la wareegtey xabsiyada Puntland kasii daysay maxaabiis farabadan kuwasoo qaarkood falal argagixiso dib uga fuleeyeen magaalooyinka qaarkood.
GAROWEONLINE
