Laanta socdalka Puntland oo xarun dhisanaysa magalada Garowe
-
- Posted On 09-06-2016, 05:50PM
GAROWE- Madaxwayne ku xigeenka dowladda Puntland Cabdixakiim Cabdilaahi Xaaji Cumar (Camay), ayaa dhagax dhigay xarun cusub oo loo dhisayo laanta socdaalka Puntland.
Dhaqaalaha ku baxaya dhimahan ayaa waxaa ku deeqday dowladda Norwey iyadoo soo mariysay Hay’adda IOM, waxaana laga dhisayaa dhabarka dambe xarunta wasaradda Caafimaadka Puntland oo aan sidaasi uga sii fogeyn madaxtooyadda.
Munaasabadda lagu dhagax dhigayay dhismahan, ayaa waxaa ka soo qayb galay mas'uuliyiin kasocotay hay'adda IOM iyo wasaaradda Amniga Puntlan doo laanta socdaalka la hoos geeyay.
Wasiir ku xigeenka iyo agaasimaha guud ee wasaradda Amniga iyo DDR-ta Puntland, oo ka hadlayay dhagax dhigga,ayaa sheegay in dhismaha xaruntan ahmiyad gaar ah u lee dahay, iyagoo u mahad celiyay dowladda ka taageeraysay dhinaca dhaqaalaha.
Madaxa Hay’adda IOM ee Soomaaliya Gerard Waite, ayaa wax lagu farxo ku tilmaamay dhismaha xarunta laanta socdaalka Puntland, isagoo xusay inay qayb ka qaadanayso qaabkii loo heli lahaa dhisme loogu shaqeeya si hufan.
Madaxweyne ku-xigeenka Puntland, Cabdixakiim Cabdullaahi, ayaa sheegay in xarunta la dhisayo qalabeyn doonto, isagoo shirkadda dhisaysa ugu baaqay inay inay dhismahaasi si wanaagsan oo qurux badan loo dhiso.
Dhismahan ayaa yimi xilli laanta Socdaalka iyo jinsiyadaha Puntland la hoos geeyay wasaaradda Amniga iyo DDR-ta.
GAROWEONLINE
