Puntland: Guddoomiyaha Barlamanka oo hadlay
-
- Posted On 04-08-2016, 02:30PM
GAROWE, Puntland- Guddoomiyaha Barlamanka Puntland Axmed Cali Xaashi oo arrimo caafimaadka dalka Hindiya ugu maqnaa ayaa soo gaaray magaalo madaxda Puntland ee Garowe isagoo ka hadlay isagoo la hadlay mas'uuliyiin iyo shacab soo dhaweyn u sameeyay.
Xaashi ayaa sheegay inuu dalka caafimaad uga maqnaa balse uu la socday xaaladaha jira isagoo carrabka ku dhuftay dhaq-dhaqaaqyada Somaliland dhawaan ka waday gobollada Sool iyo Sanaag, wuxuuna uga digay inay samayso tallaabooyin khaldan islamarkaana faraha la gasho dhul aysan maamulin sida uu hadalka u dhigay.
Afhayeenka Barlamanka ayaa sidoo kale diray Hambalyo ku aadan 18 guurada aas-aaskii Puntland, wuxuuna sheegay inuu ku faraxsanyahay hormarka la gaaray, wuxuuna shacabka ugu baaqay in halkaas laga sii wado.
Mar uu ka hadlayay koobka kooxda matalaysay Puntland kusoo guulaystay wuxuuna ugu hambalyeeyay sumcadda ay usoo jiideen dhulkooda isagoo u rajeeyay inay daris la noqdaan guusha.
Axmed Cali Xaashi ayaa muddo ka maqnaa Puntland, wuxuuna imaanshihiisu kusoo aadayaa xilli uu socdo Kalfadhiga 37-aad ee Barlamanka.
GAROWEONLINE
