Puntland: Murashaxiin ku guulaystay Aqalka sare iyo doorashada oo socota [Sawirro]
-
- Posted On 20-10-2016, 12:24PM
GAROWE, Puntland- Madaxweyne ku-xigeenka Puntland Cabdixakiim Cabdullaahi Xaaji Cumar Camay, ayaa maanta kasoo qayb galay doorashada Aqalka Sare ee Barlamanka Federalaalka Somalia xubnaha u matalaya Puntland taasoo si rasmi ah uga socota hoolka golaha shacabka Puntland ee magaalada Garowe.
Xildhibaanada, ayaa cod u qaadaya 11-ka kursi ee Puntland ka heshay Aqalka Sare, waxaana hadda la doortay 5 kamid ah kuwaasoo qaybtood kusoo baxeen codad sare, halka siyaasiyiin caan ah qiil qiil galeen iyagoo ku guulaystay hal cod.
Doorashada oo u dhacaysa qaab qarsoodi ah, ayaa waxaa codaynaya 65 mudane oo ay ku jiraan Guddoonka Barlamanka.
Barlamanka Puntland, ayaa qaabkan hoose ugu codeeyay murashaxiinta u taagnaa Aqalka Sare ee Barlamanka Federaalka Somalia.
Kursiga 1aad
Cumar Cabdirashiid Cali Sharmaake oo helay 47
Aamino Aadan Cabdullaahi, waxay heshay 17
Waxaa xumaaday 1 cod
Kursiga 2aad
Cabdiraxmaan Sheekh Maxamed Maxamud Farole, oo helay 59 cod
Cabdi Mahdi Abshir, wuxuu helay 5 cod,
Hal codna waa xumaaday
Kursiga 3aad
Cabdirasaaq Xasan Cismaan Juriile, oo helay 33 cod
Hodan Ismaaciil, oo heshay 32 cod
Kursiga 4aad
Farxaan Cali Xuseen 36
Cali Ismaaciil Cabdi Giir, wuxuu helay 29
Kursiga 5aad
Cabdisalaam Xaaji Maxamuud Dh eere 50
Faarax Cawad Jaamac 25
Waxaa, hadda loo baxay tukashada Salaadda iyadoo dib la isug soo noqon doon 1 saac kadib.
Isha ku haya Garowe Online, oo idiin soo gudbin doona doorashada xubnaha Aqalka Sare ee matala Puntland.
Abdirazak Hayir / GAROWEONLINE
