Al-Shabaab oo shacab ka afduubtay duleedka Afgooye
-
Wariyaha Muqdisho Garowe Online
- Posted On 24-10-2017, 10:05AM
AFGOYE, Soomaaliya - Al Shabaab ayaa labo qof oo beeralay ah ka afduuntay meel ku dhaw degmada Afgooye, ee gobolka Shabeellaha hoose, oo 30KM dhanka waqooyiga galbeed uga beegan Muqdisho.
Wararka aan helayno ayaa sheegaya in labada nin Al Shabaab raggan kasoo afduubtay beer ku taalla duleedka Afgooye, iyagoo watay Makiinad Cagaf ah oo ku falayeen Beeraha.
Al shabaab ayaa dab qabadsiisay makiinada, kadibna wadatey labadaasi nin, oo ula dhaqaaqday meel aan wali la ogeyn, balse kamid ah goobaha ay maamusho ee gobolka Shabeellaha hoose.
Sababta ka dambaysa in Al shabaab afduubto Beeralaydan ma cadda, balse saraakiisha ciidamada Afgooye waxay sheegeen inay ku raadjoogaan afduubiyaasha, kana soo badbaadin doonaan labada qof.
Afduubkan ayaa imaanaya xilli ay Al Shabaab xalay weerar xooggan ku qaaden Afgooye, kaasi oo geestay khasaarooyin isagu jira dhimasho iyo dhawac, sida dadka deegaanka ay u sheegeen Garowe Online. Halka ka akhri Warbixinta.
GAROWE ONLINE
