DEG DEG: Qarax dhacay nawaaxiga Garoonka Diyaaradaha Muqdishu
-
- Posted On 14-08-2017, 11:16AM
MUQDISHU, Somalia - Qarax culus ayaa goordhaw laga maqlay nawaaxiga Hotel Jazeera, oo ku dhaw Garoonka Diyaaradaha Aadan Cadde ee magaalada Muqdishu.
Goobjooge ku sugan goobta, ayaa Warsidaha Garowe Online u xaqijiyay in gaari nooca raaxada ah, oo laga soo buuxiyay walxaha qarxa uu ku qarxay wadada hormarta arida dhanka bari ku yaalla, ee laga galo Hotel-ka Jazeera, kadibna ay xigtay rasaas xooggan.
Wararka qaar ayaa sheegaya in qaraxa uu ahaa mid lagu xiray Gaari Tagsi ah, oo kamid ah kuwa ka shaqeeya Garoonka Diyaaradaha, kaasi oo qarxay xilli uu marayay Afaafka Hotel Jazeera.
Lama oga khasaaraha ka dhashay qaraxan, oo jugtiisa si aad ah looga maqlay qeybo kamid ah magaalada Muqdishu, balse waxaa goobta gaarey gaadiidka ambalaaska, oo dhaawacyada ula cararay Isbitaalada.
Jazeera Palace hotel, oo ah hotel-ka ugu qaalisan Muqdishu, kaabigana ku haya Garoonka Diyaaradaha Muqdishu, waxaa degan Xildhibaanno, Wasiirro, Mas'uuliyiin dowladda Federaalka, Hay'addo, Safaarado iyo Diblomaasiyiin sare.
Dhowr jeer oo hore ayaa la weeraray Jazeera Palace hotel, tan iyo markii la dhisay 2012.
Fahfaahinta qaraxa kala soco wararka dambe, ee Garowe Online
GAROWEONLINE
