Dowladda Soomaaliya oo amar duldhigtay Ethiopia Airline iyo Fly Dubai

Hay'adda Duulista Rayidka Soomaaliya ayaa dhambaalkan u dirtay diyaaradanan laga leeyahay Itoobiya iyo Imaaraadka.

MUQDISHO, Soomaaliya - Hay'adda Duulista Rayidka Soomaaliya ayaa ku amartay Fly Dubai iyo Ethiopian Airlines inay magaca Somaliland ka saaraan website-kooda 3 maalin gudahooda.

War qoraal ah oo kasoo baxay Hay'adda ayaa lagu xusay in haddii diyaaradahan ay fulin waayaan a markan kale ay wayn doonaan ruqsadda inay ku duulaan hawada dalka iyo ku degista Garoomadiisa.

Farriin qoraal ah oo ka soo baxay Hay'adda Duullimaadyada Rayidka ah ayaa shirkaddan Itoobiyaanka ah ku eedeeysay in ay iska dhago-marisay, adeegsiga magaca Soomaaliya oo beddelkeed ay isticmaasho magacyada garoomada ay ku wajahan tahay oo keliya.

Dawladda Soomaaliya ayaa sheegtay in marar badan ay kulammo la yeelatay masuuliyiin Itoobiyaan ah si arrintan loo xalliyo laakiin aan wax natiijo ah laga gaadhin.

"Haddii aad tixraac u baahataan waxaad fiirin kartaan Application-ka mobile ka ama mareegta Ethiopian Airlines," ayaa lagu yiri farriinta loo diray Addis Ababa.

GAROWE ONLINE