Gaari lagu rasaaseeyay Muqdishu iyo Khasaaro ka dhashay [AKHRI]
-
- Posted On 10-09-2017, 12:19PM
MUQDISHU, Somalia - Koox hubaysan saarnaa Gaari, ayaa rasaas ku furey Gaari kale, oo ay la socdeen dad shacab ah, xilli uu marayay Xaafadda Suuq Liif ee degmada Dharkeenlay, oo katirsan gobolka Banaadir.
Goob-jooge ayaa u sheegay GO in labo qof ay ku dhaawacmeen weerarka, oo u muuqday mid qorsheysan, oo la doonayay in lagu dilo Xildhibaan katirsan Barlamanka Federaalka Somalia oo lagu mgacaabo Sahra Cumar Maalin.
Ciidamada Amaanka dowladda ayaa gaarey goobta, waxaana ay sameeyeen howlgal aan cidna lagu soo qaban, maadaama Kooxda falkaasi gaysatay ay baxsatay. Saraakiisha amniga wax fahfaahin ah wali kama bixin dhacdadan.
Wali ma jirto cid sheegatay Mas'uuliyadda weerarkan, oo noqonaya midkii labaad oo magaalada ka dhaca mudo labo maalmood gudahooda.
GAROWOENLINE
