Galmudug: Jeneraal Saadaq Joon oo loo doortay Xildhibaan

Image
Doorashada Golaha Shacabka ayaa haatan si dardarleh uga socota maamul goboleedyada iyo Muqdisho

DHUUSAMAREEB, Galmudug – Saadaq Cumar Xasan (John) ayaa goor dhaweyd loo doortay inuu ka mid noqdo Golaha Shacabka ee BFS, kaddib markii doorasho ka dhacday magaalada Dhuusamareeb uu helay 81 cod, waxaana kursigan shantii sano ee la soo dhaafay Xil. Maxamed Axmed Abtidoon.

Cabdullaahi Xirsi Diirshe oo Saadaq John kursigan kula tartamay ayaa helay 17 cod, waxaana xumaaday laba cod, sida uu shaaciyay guddiga hirgalinta doorashada heer Galmudug.

Saadaq John oo ahaa taliyihii ciidamada booliska Gobolka Benaadir, ayaa madaxweynaha mudo xileedkiisu dhamaaday Farmaajo sheegay in  xilka iyo derajada Sarrreeye Guuto ka qaaday bishii April ee sanadkii hore, kadib markii uu sheegay inuu hor istaagay fadhi uu lahaa Baarlamaanka Federaalka Soomaaliya, kaas oo uu ku eedeeyay in ay doonayeen muddo kororsi uu ku tilmaamay inuu ahaa sharci darro.

Saadaq ayaa intaasi ka dib qayb ka ahaa saraakiishii la baxay Badbaado qaran ee hor istaagay mudo kororsi labo sano ah oo uu damacsanaa madaxweynaha mudo xileedkiisu dhamaaday Maxamed Cabdullaahi Farmaajo.

Galmudug ayaa maanta dib u biloowday doorashada kuraastaa golaha shacabka, waxaana Dhuusamareeb lagu dooran doonaa ilaa afar kursi.

Doorashada Golaha Shacabka ayaa haatan si dardarleh uga socota maamul goboleedyada iyo Muqdisho, waxaana qorshaha yahay in lasoo gabagabeeyo 25-ka bisha Febraayo.

GAROWE ONLINE

Related Articles

Darawalkii Farmaajo oo weli nolol iyo geeri lagu la'yahay

Warar aan la xaqiijin ayaa sheegayay Maalmihii u dambeeyay in darawalka madaxweynaha uu u goostay deegaanada AS.

  • Soomaliya

    28-03-2024

  • 12:12PM

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM