Golaha Wasiirada Puntland oo bogaadiyay gulufka ka dhanka ah ISIL

Wuxuu Goluhu xoojiyey garab istaagga Ciidanka oo laga wada qeyb qaadanayo Dowlad iyo Shacabba.

MUQDISHO, Soomaaliya - Madaxweyne Ku-xigeenka Dowladda Puntland, Ilyas Osman Lugatoor, ayaa Shir-guddoomiyey Shirka Golaha Wasiirrada Dowladda Puntland, oo todobaadkan looga hadlay Amniga Guud, Hawlgalka Ciribtirka Argagixisada ee Puntland, Wax ka-beddelka Xeerka Tacliinta Sare iyo qodobbo kale.

Golaha Wasiirrada ayaa ku boggaadiyey Ciidanka Difaaca Puntland siday ugu jebiyeen argagixisadii ISIS/Daacish deegaanka dharjaalle, iyadoo uusan Argagixisada qofna ka laaban oo la laayey, dhammaantoodna ay Ajaanib ahaayeen.

Wuxuu Goluhu xoojiyey garab istaagga Ciidanka oo laga wada qeyb qaadanayo Dowlad iyo Shacabba, iyadoo ay jiraan Guddiyo ka shaqeynaya taakuleynta Ciidanka.

Dowladda Puntland waxay kujirtaa dagaal ay ku ciribtirayso argagixiso heer Caalami ah, waad ogtihiin in xalay, Maraykanka sida laamahooda Amnigu sheegeen, in nin ka tirsan ISIS/Daacish weerar gaari ku dilay 15qof, sidaasi darteed waa dhacdo la mid ah hawlgalka dharjaale oo aynu argagixisada ISIS/Daacish ku jebinnay, waxay Puntland ku baaqaysaa in la iska kaashado oo loo midoobo dagaalka Argagixisada meel walba.

GAROWE ONLINE