Guddiga Doorashada madaxweynaha 10aad oo lagu dhawaaqay

Guddigan ayaa lagu waddaa in ay soo saaraan shuruudaha laga rabo musharaxiinta iyo jadwalka coddeynta.

MUQDISHO, Soomaaliya - Afhayeenadda Labada aqal ee baarlamanka Soomaaliya Sheekh Aadan Madoobe iyo Cabdi Xaashi Cabdullaahi ayaa soo saaray guddiga isku dhafka ah ee diyaarinaya doorashada madaxweynaha Soomaaliya.

Guddiga ayaa wadar ahaan wuxuu ka kooban yahay 17 xubnood, oo 11 ka mid ah ay ka imanayaan Golaha Shacabka, halka lixda kale ay ka imanayaan Aqalka Sare.

Liiska xubnaha matalaya Golaha Shacabka

1 - Xildhibaan Mowliid Cabdi Maxamed.

2 - Xildhibaan Cali Xaaji Daahir.

3 - Xildhibaan Nuur Mustafmukhtaar.

4 - Xildhibaan Beerey.

5 - Xildhibaan Maxamed Ibrahim Mucalimuu.

6 - Xildhibaan Maxamed Caananuug.

7 - Xildhibaan Cumar Yuusuf.

8 - Xildhibaan Fardowsa Maxamed Cigaal.

Liiska xubnaha xubnaha matalaya Aqalka Sare

1- Cali Maxamuud Gacal (Koonfur Galbeed)

2- Prof. Cabdi Ismaaciil Samatar (Somaliland)

3- Cabdiqani Geelle Maxamed (Puntland)

4- Farxaan Cali Maxamuud (Galmudug)

5- Ibraahim Awgaab Cusmaan (Jubbaland)

6- Samsam Cabdullaahi Axmed (HirShabeelle)

Guddiga Labada Gole Baarlamaanka Federaalka ee Doorashada Madaxweynaha ayaa dejinaya jadwalka Doorashada si musharixiinta iyo Baarlamaankaba ay isugu diyaariyaan Doorashadaas.

Maalmo ka hor ayaa la soo gebagebowday codbixintii hoggaanka aqalka sare oo mucaaridku gacanta ku dhigeen. Aadan Sheekh Madoobe iyo Cabdi Xaashi ayaa ku kala guuleystay Guddoomiyeyaasha Aqalka Hoose iyo Aqalka Sare.

GAROWE ONLINE