Gudoomiyaha gobolka Hiiraan oo xilka qaadey [Akhri Sababta]
-
- Posted On 20-09-2017, 01:51PM
JOWHAR, Somaaliya - Madaxweynaha cusub, ee maamulka HirShabeelle, Maxamed Cabdi Waare ayaa xilka ka qaadey Gudoomiyahii gobolka Hiiraan, Cumar Aadan Deeqow (Cumar Baadiyow).
Wareegto kasoo baxday Xafiiska Madaxweynaha ayaa lagu sheegay in duubabka dhaqanka ay codsadeen in xilka laga qaado Gudoomiyaha Hiiraan, iyadoo aan la sheegin sababta ka dambaysa.
Madaxweyne Waare ayaa Cali Jeyte Cismaan u magacaabay Gudoomiyaha xilka gobolka Hiiraan.
Cumar Baadiyow ayaa xilka Gudoomiyaha Hiiraan, waxaa u magacaabay Madaxweynihii xilka laga qaadey ee HirShabeelle Cali Cabdullaahi Cosoble bishii lasoo dhaafey ee June, 2017.
Warar hoose oo Warsidaha Garowe Online uu helay ayaa sheegaya in Cali Jeyte oo kasoo jeeda Beesha Xawaadle, oo ahaa madaxii Ololaha Doorashada Madaxweyne Maxamed Cabdi Waare.
Madaxweyne Waare ayaa xil ka qaadistan sameeyay, isagoo aan wali la caleema-saarin.
GAROWEONLINE
