Ilhaan Cumar oo ka hadashay doorashadda Soomaaliya
-
Garowe Online
- Posted On 16-03-2022, 01:01PM
WASHINGTON - Xildhibaanada laga soo doorto gobolka Minisoota ee dalka Mareykanka, Ilhaan Omar ayaa markii ugu horeysay ka hadashay doorashada Soomaaliya.
“Waa in aan aad ooga dadaalnaa sidii ay doorasho ooga dhici lahayd Soomaaliya, anaga waxaan dhahnaa dalka Ameerika waa dal dimuquraadiyadda aaminsan, qofkastana fursad loo siiyo in uu madaxweynihiisa doorto,” ayay tidhi.
Ilhaan Omar ayaa sidoo kale sheegtay in aan doorashada mar kale dib loo dhigin.
“Madaxweynihii Soomaaliya waqtigiisa wuu dhammaaday, hadda waxey ka dhigan tahay in Soomaaliya aysan lahayn madaxweyne sharci ah,” ayay sii raacisay.
Hadalka Ilhaan Omar ayaa kusoo beegmaya xilli mudadii loo qorsheeyay in lagu soo gaba-gabeeyo doorasha xildhibaanada aqalka hoose ay maanta ku egtahay, ayadoo wali maamul goboleedyada badankooda aysan soo dhameystirin kuraasta xubnaha ku matali lahaa golaha shacabka ee baarlamaanka 11-aad Soomaaliya.
GAROWE ONLINE
