Madasha Badbaado Qaran oo warqad culus u dirtay AU

Image

MUQDISHO, Soomaaliya - Madasha Badbaado Qaran ayaa qoraal deg-deg ah waxay u dirtay Midowga Afrika gaar ahaan Golaha Ammaanka iyo Nabadda ee ururkan ay ku mideysan yihiin dalalka qaarada Afrika.

Warqada oo ku taariikheysan 22-ka April isla markaana nuqul kamid ah uu arkay warsidaha Garowe Online ayaa lagu caddeeyay in Farmaajo uu wado "afgembi dastuur" una taagan yihiin sidii ay u baajin lahaayeen.

Farmaajo ayay tibaaxeen in uu halis ku yahay dedaaladda ay qeyb kamid ah bixineyso AU isla markaana ujeedkoodu yahay sidii Soomaaliya u noqon lahayd waddan xasiloon oo dowladnimadiisu ay meel sare gaarto.

"Madasha Badbaado Qaran waxay caddeyneysaa in xudunta khilaafka aanu ahayn doorasho kaliya balse waa suurtagalnimada in hal ciyaaryahan oo ku jira masraxa siyaasadeed ee Soomaaliya uu doonayo in uu hareer maro mabaadi'da dib-u-heshiisiinta, isu tanaasulka iyo wada-ogolka," ayaa la raaciyey qoraalkan luuqadda adag lagu qoray.

Madaxweynaha muddo xileedkiisa dastuuriga ah uu dhamaadey 8-dii Febraayo, 2021 ayay hoosta ka xariiqeen in uu yahay caqabada kaliya ee hortagaan qabsoomida doorashooyin daahfuran oo loowada dhan-yahay.

Midowga Afrika ayay ku tartarsiiyeen in ay qaadana talaabooyin deg-deg ah oo ay uga hortagayaan in ay "xaqiiqo isku bedelaan" qorsheyaasha Farmaajo ku fekerayo oo ay si dadban ugu qeexeen "kelitalisnimo".

Muddo kororsiga iyo talaabada Farmaajo ku saxiixay qaraarka Aqalka Hoose kasoo baxay ayay ku sifeeyeen mid aan dastuurka waafaqsaneyn, waxaana ay soo jeediyeen in Beesha Caalamka soo farageliso xalka.

"Saldhiga dhexdhexaadin kasta waa in uu noqdaa diidmada muddo kororsiga, ku noqoshada wadahadaladda iyo xal u helida arrimaha waaweyn," ayay raaciyeen ayagoo u muuqda mid qad casaan u xariiqaya AU-da.

Ugu dambeyntii, waxay caddeeyeen in dhankooda haddii ay yihiin Madasha Badbaado Qaran in ay diyaar u yihiin doorasho loo-dhan-yahay, hufan xalaalna ah "taasoo u wanaagsan guud ahaan dadka Soomaaliyeed".

GAROWE ONLINE

Related Articles

Darawalkii Farmaajo oo weli nolol iyo geeri lagu la'yahay

Warar aan la xaqiijin ayaa sheegayay Maalmihii u dambeeyay in darawalka madaxweynaha uu u goostay deegaanada AS.

  • Soomaliya

    28-03-2024

  • 12:12PM

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM