MUQDISHU: Xildhibaan ka tirsan Aqalka Sare oo dil ka badbaadey
-
- Posted On 05-09-2017, 11:12AM
MUQDISHU, Somalia - Senator Xuseen Cali Xaaji ayaa saaka ka badbaadey Isku-day Dil, kadib markii koox hubaysan ay rasaas ku fureen Gaarigiisa xilli uu marayay nawaaxiga Isgoyska Tarabuunka ee magaalada Muqdishu.
Wararka Warsidaha Garowe Online uu helayo, ayaa sheegaya in Mudanahan katirsan Aqalka Sare uusan wax khasaaro ah kasoo gaarin rasaasta, balse ay ku dhaawacmeen Darawalkiisa iyo qof kaloo shacab ah.
Weerarka ayaa dhacay kadib markii Gaari uu watey Xildhibaanka Gaari kale oo ay saarnaayeen dabley hubaysan, kuwaasi oo isku dayay inay dilaan Senator Xuseen Cali Xaaji, sida Goob-jooge u sheegay GO.
Ciidamada Amniga Somalia, ayaa goobta gaarey, waxyar kadib markii ay baxsadeen Kooxda hubaysan, kuwaasi oo loo maleynayo inay katirsan yihiin Al shabaab, oo inta badan beegsata Xildhibaanada BFS.
Wararka ayaa intaasi ku daraya in Ciidamada NISA iyo Kooxda hubaysan ay is-waydaarsadeen rasaas, kahor inta aysan goobta ka baxsan.
Wali ma jirto cid sheegatay mas'uuliyadda Isku-dayga dilka ee ka dhanka ah Senator Xuseen Cali Xaaji.
Faah faahin dheeri ah dib ayaan idiinka soo gudbin doonnaa Insha Allah.
GAROWEONLINE
