Nabadoon caan ah oo lagu dilay degmada Afgooye
-
- Posted On 24-08-2017, 10:53AM
AFGOYE, Somalia - Dabley hubaysan ayaa xalay ku diley degmada Afgooye, ee gobolka Shabeellaha hoose Nabadoon Caan ahaa oo lagu magacaabi jiray Duraan Axmed Cabdi.
Saraakiisha amniga degmada ayaa xaqiijiyaay in labo dhalinyaro ah, oo bastoolado ku hubaysan ay ku toogteen Nabadoonka Xaafadda Xaawo Taako, xilli uu Masjid kasooo baxay.
Marxuumka, ayaa goobta ku geeriyoodey kadib markii dableyda ay ka toogteen qeybaha sare ee Jirkiisa. Lama oga sababta loo bartilmaameedsaday Nabadoonka, balse waxaa socda baaritaan xoog leh, oo ay wadaan Laamaha amniga degmada.
Al shabaab ayaa inta badan fulisa dilalka qaarijinta ah, ee ka dhanka ah Odayaashii soo doortey Xildhibaanada Barlamanka Federaalka Somalia.
GAROWEONLINE
