Somalia oo Dhaqaale badan uga lumay Internet la’aanta
-
- Posted On 09-07-2017, 05:07PM
MUQDISHU, Somalia - Dowladda Somalia ayaa ka hadashay Khasaaraha dhaqaale ee dalka kasoo gaarey maqnaanshiyaha Adeegga Inateranet-ka, oo mudo ku dhawaad labo todobaad ka maqan Koonfurta iyo Bartamaha Somalia.
Wasiirka Isgaarsiinta, Boostada iyo Tignoolijiyada dowladda Federaalka Cabdi Canshuur Xasan ayaa sheegay in $10 Million oo Doolar oo Khasaaro ah uu soo gaarey Ganacsatada ku tiirsanayd Internet-ka.
Mudo 13 Maalmood oo uu maqan yahay Adeegga Internet-ka waxa uu lumiyay dalka $130 Million oo Doolar, waana masiibo weyn oo dhanka dhaqaalaha ah oo ku habsatay Shirkadaha iyo Hay’adaha kale.
Wasiir ma uusan sheegin sababta uu u go’ay Internet-ka, balse waxa uu sheegay inay socdeen dadaallo ay wado dowladda oo dib loogu soo celinayo Adeeggan muhiimka u ah shacabka sida ugu dhaqsiyaha badan.
Shirkadaha bixiya Internet-ka Muqdishu ayaa sheegay in Cillada ay timid markii Markab weyn oo nooca Ganacsiga ah uu jaray Fiilooyinka badda hoostooda mara ee dalka soo geliya Inaternet-ka Viper Optic-ga.
Internet la’aanta waxuu si aad ah u samneeyaay dhamaan Shirakadaha kala duwan, Hay’adaha dowladda, Xaruumaha Warbaahinta iyo dadka Shacabka ah, oo waayay adeegga Social Media.
GAROWEONLINE
