Turkiga oo ka hadlay soo celinta xiriirka Soomaaliya iyo Kenya

Image

ANKARA, Turkey – Dowladda Turkiga ayaa soo dhaweysay soo celinta cilaaqaadka diblumaasiyadeed ee ka dhaxeeyay Soomaaliya iyo Kenya, sida ku cad war-saxaafadeed kasoo baxay Wasaaradda Arrimaha Dibadda waddankaas.

Xukuumadda Ankara ayaa sheegtay in talaabadan ay tahay mid u adeegeysa dedaaladda xal u helida nabadda, xasiloonidda iyo amaanka Geeska Afrika.

"Waxaan soo dhoweyneynaa horumarada la xiriira dib u soo celinta xiriirkii diblomaasiyadeed ee Soomaaliya iyo Kenya. Waxaan bogaadinaynaa dadaalka dowladda Qatar ay ku bixisay howshan," ayaa lagu yiri bayaan ay soo saartay Wasaaradda Arrimaha Dibadda ee Turkiga.

Wasaaradda ayaa intaas ku dartay in Turkiga uu sii wadayo taageerida dedaaladda lagu xalinayo colaadda ka oogan gobolka Geeska Afrika iyaddoo loo marayo wadaxaajoodyo iyo wada-ogol ku qotoma hanaan la isla ogol-yahay.

Kadib muddo shan bilood ah oo uu hakad ku jiray, Soomaaliya ayaa Khamiista todobaadkii hore waxay dib u bilowday xiriirka diblumaasi ee Kenya.

Dowladda Carbeed ee Qadar ayaa kaalin dhexdhexaad ah ka cayaartay qadiyaddan oo xudun u ahayd sheegashooyin faragelinta arrimaha gudaha Soomaaliya.

Xiisada diblumaasiyadeed ee Soomaaliya iyo Kenya ayaa saameysay dhanka ammaanka, waxbarashadda iyo isu-socodka ganacsiga. Labada dal waxaa la filayaa in ay sii dhameystiraan arrimaha uga harsan soo celinta xiriirka diblumaasi.

GAROWE ONLINE

Related Articles

Baanka Aduunka oo si adag ugu goodiyay Dowladda Soomaaliya

Xukuumadda Muqdisho ayaa loo qabtey in illaa dhamaadka bishan soo gudbiso warbixin laga rabo.

  • Soomaliya

    29-03-2024

  • 04:30AM

Darawalkii Farmaajo oo weli nolol iyo geeri lagu la'yahay

Warar aan la xaqiijin ayaa sheegayay Maalmihii u dambeeyay in darawalka madaxweynaha uu u goostay deegaanada AS.

  • Soomaliya

    28-03-2024

  • 12:12PM