Xarunta Boqor Salmaan oo hirgelinaysa Masharuuca qaybinta Zakada Fidriga ee Sanadka 1446H -2025
-
GAROWE ONLINE
- Posted On 28-03-2025, 06:50PM
MUQDISHO, Soomaaliya - Hay'adda Al-Mahaasin foundation, oo kaashanaysa Xarunta Boqor Salmaan ee Gargaarka iyo Hawlaha Bani'aadamnimada, ayaa hirgelinaysa sanadkan 1446H - 2025 mashruuca Qaybinta Zakada Fidriga.
Mashruucan ayaa qayb ka ah dadaallada gargaarka ee kor loogu qaadayo nolol-wanaagga qoysaska danyarta ah iyo kuwa barakacay.
Mashruucan waxaa ka faa'iideysan doona 57,000 oo qoys oo danyar ah iyo kuwa ku jira xeryaha barakacayaasha ee gudaha dalka gaar ahaan gobalka Banaadir iyo degmooyinka qaar ee gobolka Shabeelada hoose.
Ujeedada mashruucan ayaa ah in la yareeyo culeyska nololeed ee qoysaska, loogana dhigo mid farxad leh maalmaha ciidda barakeysan ee Fidriga.
Mashruucan waxa uu sii xoojinayaa dadaallada Xarunta Boqor Salmaan ee Gargaarka iyo Hawlaha Bani'aadamnimada ee ku aaddan taageeridda shacabka Soomaaliyeed, iyada oo la fulinayo mashaariic kala duwan oo daboolaya dhinacyada ammaanka cuntada, caafimaadka, waxbarashada, biyaha, iyo daboolidda baahiyaha aasaasiga ah ee dadka nugul.
Hay'adda Al-Mahaasin foundation ayaa si diiran uga mahadcelisay Xarunta Boqor Salmaan ee Gargaarka iyo Hawlaha Bani'aadamnimada taageeradooda deeqsinimada leh iyo iskaashigooda joogtada ah ee hirgelinta mashaariicda gargaarka.
GAROWE ONLINE
