Aadan Madoobe iyo Cabdi Xaashi oo shiray xilli ay xiisad siyaasadeed jirto

Kulankan ayaa yimid iyadda oo uu kulamada Aqalka Sare hakad ugu jiraan maqnaanshiyaha xubnaha Koonfur Galbeed.

MUQDISHO, Soomaaliya - Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa hoygiisa ku booqday Guddoomiyaha Golaha Aqalka Sare ee Baarlamaanka Dalka Mudane Cabdi Xaashi Cabdullaahi, waxaana ay ka wada hadleen shaqada Baarlamaanka 11-aad ee Jamhuuriyadda Federaalka Soomaaliya.

Labada Guddoomiye ayaa isla soo hadalqaaday xoojinta iyo dardargelinta wada shaqeynta Baarlamaanka Jamhuuriyadda Federaalka Soomaaliya labadiisa aqal iyo ka wada shaqeynta shuruucda muhiimka u ah horumarka dowladnimo ee dalka.

GAROWE ONLINE