Baarlamaanka Jubaland oo ansixiyey madaxwayne ku xigeeno la magacaabay

Madaxwayne Axmed Maxamed Islaam ayaa xalay sameeyay magacaabidan.

MUQDISHO, Soomaaliya - Madaxweynaha Dowladda Jubbaland Axmed Maxamed Islaam ayaa xalay magacaabay Madaxweyne kuxigenka koowaad iyo Madaxweyne kuxigenka labaad ee Dowladda Jubbaland kuwaaso kala ah Maxamuud Sayid Aadan iyo Cabdiqaadir Xaaji Maxamuud.

Hadaba Golaha Wakiilada Dowladda Jubbaland ayaa maanta u fariisteen kala fadhiga 1aad fadhisa 4aad kaso si gacan taag ah ay u Ansixiyeen magacabista labada Madaxweyne.

Gudoomiyaha Golaha Wakiilada Jubbaland Cabdi Maxamed Cabdiraxmaan ayaa gacan taaga kadib Warbaahinta usheegay tirada Mudanayaasha ah ee Ansixiyay Magacaabista Madaxweyne kuxigeenada Jubbaland.

GAROWE ONLINE