Dad Oromo ah oo lagu dilay magaalo kamid ah gobolka Gedo

BELED-XAAWO, Soomaaliya - Ugu yaraan 9 qof oo Oromo ah ayaa ku dhimatay, 6 kalena way ku dhaawacmeen weerar xalay lagu qaaday Guri ay ku noolaayeen oo Beled-Xaawo ku yaallo.

Saraakiisha amniga ayaa sheegay in rag hubeysan, oo aan la aqoon inay rasaas ku fureen Guriga dadkan Oromada ku jireen, oo Jiidgad ka sameysnaa, halkaasina ay ka dhacday dhimashada iyo dhaawaca.

Lama oga waxa salka ku hayso weerarka lagu beegsaday dadkan Oromada oo ahaa kuwa ka shaqeysta magaalada Beled-Xaawo, oo kasoo cararay xaaladaha ka jira gobolkoda, oo ku yaalla galbeedka Itoobiya.

Dadka dhaawacmay oo Carruur ay ku jiraan ayaa la dhigay Isbitaalka.

GAROWE ONLINE