Dagaalame ka tirsanaa AS oo isku dhiibay ciidanka Soomaaliya

Dagaalo ka dhacay gobolada Hiiraan, Galgaduud Iyo Qeybo kamid ah Koonfurta Mudug ayuu ka qeyb-qaatay.

MUQDISHO, Soomaaliya - Cali Guudow Maadey oo ka tirsanaa Al-Shabaab, ayaa maanta isku soo dhiibay ururka 47-aad Guutada 8-aad ee Taliska Qeybta 60-aad Ciidamada Soomaaliya kuwaas oo fadhigooda uu yahay degaanka Goof Gaduud Buureey ee Gobolka Baay.

Cali Guudow ayaa mudo ka tirsanaa kooxda Al-Shabaab, waxaana uu ka qeyb-qaatay sida uu sheegay dagaalo ka dhacay gobolada Hiiraan, Galgaduud Iyo Qeybo kamid ah Koonfurta Mudug.

Dhallinyarada la qalday ee ka barbar dagaalamaya Al-Shabaab ayaa maalmihii ugu dambeeyay fahmay dhagaraha Khawaarijta, iyaga oo isku soo dhiibaya ciidamada Qaranka.

GAROWE ONLINE