Galmudug oo dil toogasho ku fulisay rag dilay labo qof walaalo ahaa

Dambiileyaasha ayaa lagu kala magacaabaa Nuur Cabdi Maxamed, Shuceyb Maxamed Faarax Aadan, iyo Bile cabdullahi Xasan.

DHUUSOMAREEB, Galmudug - Maxkamadda Gobolka Galgaduud ayaa waxa ay goordhow dil toogasho ah ku fulisay raggii dilay Macalinkii iyo Dhakhtarkii walaalaha ahaa.

Toogashada ayaa lagu fuliyay Nuur Cabdi Maxamed, Shuceyb Maxamed Faarax Aadan, iyo Bile cabdullahi Xasan, kuwaa oo hore u dilay Dr Axmed Xasan cusmaan iyo Macallin Axmed Xasan Cusmaan oo ahaa walaalo.

Sikastaba, fulinta xukunkan dilka toogashada ah ayaa waxa uu hadalheyn badan ka dhaliyey guud ahaan baraha bulshadda halkaas oo dadweynaha ay kusoo dhaweynayaan talaabadan.

GAROWE ONLINE