Golaha Ammaanka oo kordhiyay xayiraada ka dhanka ah Al-Shabaab

Cunaqabateynta cusub ayaa waxaa la gaarsiiyay illaa bartamaha sanadka soo aadan ee 2025-ka.

NEW YORK, United States - Golaha Ammaanka ayaa maanta kordhiyay oggolaanshaha dowladaha xubnaha ka ah inay ka hortagaan maraakiibta waxyaabaha la mamnuucay u daabula Soomaaliya.

Waxyaabaha la mamnuucay waxaa kamid ah hubka sharci darrada ah iyo dhoofinta dhuxusha, illaa 28-ka Febraayo 2025. Tani ayaa ka dhigan in la kordhiyay mudadii horey u jirtay.

Golaha Ammaanka oo ka kooban 15 xubnood ayaa si wadajir ah u ansixiyay qaraar tirsigiisu yahay 2762 (2024) kaasoo xeerinaya cusbooneysiinta xayiraada sida gaarka u saaran Al-Shabaab.

Tallaabooyinka cunaqabataynta ayaa markii hore lagu sheegay cutubyada 15 iyo 17 ee xallinta 2182 (2014) waxaana lagu balaariyay cutubka 5 ee xallinta 2607 (2021).

Qodobbadaan ayaa dowladaha xubnaha ka ah golaha u oggolaadaya inay baaris ka sameeyaan gudaha badda Soomaaliya, maraakiibta ay u haystaan ​​sababo macquul ah oo ay ku rumeysan yihiin inay wataan alaab mamnuuc ah, oo ay ku jiraan dhuxul, hub ama qalab ciidan, iyo walxaha qarxa.

Dawladaha xubnaha ka ah golaha ammaanka Qaramada Midoobay ayaa sidoo kale waxaa loo oggolaaday inay qabtaan oo ay tuuraan wax kasta oo shay ah oo lagu aqoonsaday baaritaanka in ay mamnuuc yihiin.

GAROWE ONLINE