Howlgal dhanka Cirka ah oo lagu dilay xubno ka tirsan ‘AS’

Weerarkan ayaa waxaa lagu dilay 4 ka tirsan 'AS'

Kismaayo, Soomaaliya - Ciidamada Soomaaliya iyo kuwa Mareykanka ayaa howlgal qorsheysan waxa ay ku qaadeen fariisin ku yaalla Gobolka Jubbada Hoose oo ay ku sugnaayeen xubno ka tirsan AS.

Howlgalka ayaa ka dhacay meel 45 KM dhanka Waqooyi kaga beegan magaalada Kismaayo ee xarunta gobolka Jubbada Hoose.

Weerarkan ayaa waxaa lagu dilay 4 ka tirsan AS, waxaana howlgalkan uu ahaa mid ay iska kaashadeen ciidamada dowladda Soomaaliya iyo kuwa Mareykanka.

Dowladda Soomaaliya ayaa caddeysay, inay ka go’an tahay ka hortagga Kooxda “AS”, iyo la shaqeynta saaxiibada caalamka oo uu ku jiro Mareykanka, si loo gaaro xasillooni ka dhalata Soomaaliya.

GAROWE ONLINE