Jubaland oo soo bandhigtay ciidamo ay u diyaarisay la dagaalanka AS

Wajiga labaad ee dagaalka ka dhanka ah Al-Shabaab ayaa la filayaa in ay ka qeyb-qaataan ciidamaddan.

MUQDISHO, Soomaaliya - Madaxweynaha Dowladda Jubaland Axmed Maxamed Islaam ayaa tababar ugu soo xiray Dugsiga tababarka Ciidanka Darawiishta Jubaland ee Akadeemiyo guutada Birjeex ee Ciidamada Darawiishta Jubaland.

Guutadan oo mudooyinkii u danbeeyay uu tababar u socday ayaa diyaar u ah howlgalo ay dhawaan Ciidamada Jubaland bilaabayaan oo lagu cirib tirayo Khawaariijta.

Madaxweynaha ayaa u mahad celiyay sarakiisha iyo askarta tababarka dhamaystay iyo sidoo kale macalimiinta Dugsiga tababarka dadaalkii ay ku bixiyeen sidii ay usoo saari lahayeen ciidamo jir ahaan iyo maskax ahaanba diyaar u ah xoraynta dalkooda.

Waxaa Madaxweynahu uu sheegay in howlgalada dhawaan bilaabanaya ay ciidankan laf dhabar u yihiin isla markana guulo wax ku ool ah ay keeni doonan.

GAROWE ONLINE