Laba Askari oo Mareykan ah oo Badda Soomaaliya Ku Maqan

(GO)- Laba askari oo ka tirsan ciidamada badda Mareykanka ayaa lagu soo waramayaa inay ka maqan yihiin badda iyagoo howlgallo ka waday xeebaha Soomaaliya habeenkii Khamiista, sida uu sheegay milatariga Mareykanka qoraal ay soo saareen maalintii Jimcaha. Waxay intaas ku dareen in howlgallada baadi goobka iyo badbaadinta ay socdaan si loo helo labadaasi askari.

“Saraakiisha ayaa loo soo diray aagga howlgalka ee Ciidanka 5-aad ee Badda Mareykanka (C5F) si ay u taageeraan howlgallo kala duwan,” ayuu yiri Taliska Dhexe ee Mareykanka. Qoraalka ayaa sidoo kale lagu daray in macluumaad dheeraad ah aan la heli doonin ilaa inta laga soo geba-gebeeynayo howlgalka soo celinta shaqaalaha.

GAROWE ONLINE