Madaxweyne Xasan Sheekh oo kulan la qaatay Aas'aasayaasha kudlada Toosin

Madaxweynaha ayaa ku guda jira dardargelinta meelmarinta afarta cutub ee xildhibaanadu ka doodeen.

Muqdisho, Soomaaliya - Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo Gudoomiyaha Golaha Shacabka ayaa kulan la yeehay hogaanka kudlada Toosin Qaran.

Kulankan oo ay faahfaahin ka bixisay Villa Soomaaliya ayaa daarnaa xaalada guud ee Dalka gaar ahaan arrimaha Amaanka iyo dhameystirka Dastuurka ay hada doodiisu ka socoto Xarunta Villa Hargeysa.

Madaxweynaha JFS ayaa xubnahaan ka dhageystay talooyinka iyo aragtida ay ka leeyihiin dhameystirka Dastuurka iyo arrimaha amniga, oo ay ugu wacantahay habacsanaanta dhanka amaanka.

Xubnaha Kudlada ayaa sidoo kale Guddoomiyaha Golaha Shacabka ee Baarlamaanka Soomaaliya Mudane Sheekh Aadan Madoobe kala hadlay arrimo la xiriira Dastuurka.

Kullamadan ayaa imaanaya iyadoo ku dhawaad ​​70-xildhibaan oo ka tirsan baarlamaanka ay kulan ku yeesheen magaalada Muqdisho, iyagoo si buuxda uga soo horjeestay barnaamijka dhameystirka dastuurka, kuna tilmaamay in uu baalmarsanyahay hanaankii loogu talo galay.

GAROWE ONLINE