Muqdisho oo laga xusay Maalinta Caalamiga ah ee Xuquuqda Aadanaha

Hal ku dhegga sanadkan ayaa ahaa “Xuquuqdeena, Mustaqbalkeena, Wakhti Xaadirkan”.

MUQDISHO, Soomaaliya - Ra’iisul Wasaare Kuxigeenka Soomaaliya, Cabdisalaam Cabdi Cali Dhaay, ayaa maanta ka qeyb galay xuska Munaasabadda Maalinta Caalamiga ah ee Xuquuqda Aadanaha iyo sanad guuradii 76-aad ee Baaqa Caalamiga ah ee Xuquuqda Aadanaha. 

Hal ku dhegga sanadkan ayaa ahaa “Xuquuqdeena, Mustaqbalkeena, Wakhti Xaadirkan” taasi oo diiradda lagu saarayo ahmiyadda ay xuquuqda aadanaha u leedahay nolol maalmeedkeena, si xal loogu helo caqabadaha ku horgudban xuquuqda aadanaha iyo baahida loo qabo ilaalinta iyo horumarinta xuquuqda bulshooyinka.

Ra’iisal Wasaare kuxigeenka Labbaad, Mudane Cabdisalam Cabdi Cali-Dhaay ayaa ka hadlay dadaallada dowladda ee ku aaddan ilaalinta xuquuqda aadanaha iyo sidii loo xoojin lahaa is-dhexgalka caalamiga ah ee arrimahan la xiriira.

Munaasabaddan waxaa ka soo qeyb galay masuuliyiin kala duwan oo ka kala socotay Golayaasha dowladda Federaalka Soomaaliya iyo marti sharaf kale.

GAROWE ONLINE