Premier Bank oo daahfuray adeegga cusub ee ATM lacag dhigasho ah

Adeeggan cusub wuxuu u suurto gelinayaa macaamiisha inay lacag ku shubtaan koontadooda.

MUQDISHO, Soomaaliya - Premier Bank wuxuu si rasmi ah ugu dhawaaqay adeegga cusub ee ATM Lacag Dhigasho (Cash Deposit). Adeeggan cusub wuxuu u suurto gelinayaa macaamiisha inay si xorriyad ah oo fudud hadana ammaan ah ay ugu shuban karaan lacagahooda koonta- dooda bangiga waqti kasta oo ay doortaan, maalin iyo habeenba; iyadoo ATM-yadeennu ay u shaqeynayaan si joogto ah.

Faa'iidooyinka ugu Muhiimsan ee Adeeggan: Helitaan Joogto ah: ATM-yadeenna ayaa u diyaarsan in la heli karo waqti kasta; adigoo lacagtaada ku shuban kara koontadaada marka aad u baahato, iyadoon xilliga loo eegin.

Hufnaan, Ammaan iyo Degdegsiimo: Adeeggan wuxuu ku siinayaa kalsooni iyadoo la adeegsanayo tiknoolajiyaddii ugu dambeysay si lacagtaadu si dhaqso ah ugu gasho koontadaada.

Madaxa Howlaha & ku simaha Maareeyaha Guud ee Premier Bank Mahad Axmed Maxamed ayaa hoosta ka xariiqay faa’iidada adeeggan isagoo yiri: "Soo bandhigida adeegga ATM Cash Deposit waa caddeyn buuxda oo muuji- naysa sida aan ugu heellanahay casriyeynta iyo horumarinta adeegyada ban- giga, si aan macaamiisheena u siinno adeeg bangi oo dhamaystiran, ammaan ah laguna kalsoonyahay. Sidaas darteed ATM Cash Deposit wuxuu kusiinayaa xorriyad lacag dhigasho 24/7 ah, taasoo si sahlan u daboolaysa baahiyaha bulshada ee maaliyadeed."

GAROWE ONLINE