Soomaali kamid ah malaayiin Xujey loo daabulayaa degaanka Mina

Tirada xjeyda Soomaaliyeed ee sanadkaan ayaa waxaa la sheegay in ay gaareyso illaa 11,500 Xaaji.

RIYADH, Saudi Arabia - Iyadoo maanta ay ku beegan tahay maalinta 8aad ee Bisha Dulxij oo loo yaqaano (Yowmu Tarwiya) maalinta aroorka ayaa Malaayiin xujey ah oo adduunka iskaga yimid ay degayaan deegaanka Mina ayaa Xujeyda Soomaaliyeed oo ka mid ah loo daabulayaa Mina.

Ilaa 230 Bus oo kiiba loo qorsheeyey inuu qaado 50 Xaaji ayaa lagu daabulayaa' xujeyda saaka'  iyadoo qeybtii ugu horeysay ay xalay gelinkii dambe ilaa waaberigii saaka ay  degeen goobihii loo diyaariyey.

Tirada xjeyda Soomaaliyeed ee sanadkaan ayaa ah 11,500 xaaji iyadoo  marka lagu daro xubnaha bicisada ay noqonayaan 11,715  oo intooda badan ay yihiin culimada iyo masuuliyiinta dowlada.

GAROWE ONLINE